Festibal honek hitzordu artistiko batzuetara gonbidatzen zaitu, BAB-ko toki desberdinetan.
Toki horietan, dantzariak, musikariak, bideoegileak, kantariak, aktoreak, errealizadoreak, berriketariak, argazkilariak, plastikariak, gurutzatuko dituzu… Horrat etorriko dira elgar topatzeko eta haien sorkuntzak zuri eskaintzeko, performantzia moduan.
Performantziaren munduan sartuko zira beraz, izate desberdinetatik pasatuz : sorpresa, garrasia, negarra, malkoa, emozioa, pusakoa, isilunea, orgia, edertasuna, galdera, eta harridura ere… Zure zentzu guziak inharrosiko dizkizu sorkuntza garaikidean eginen duzun bidaiak.
Lehenik, memento intimo bat eskaintzen dizugu olerkaria, kantaria, aktorea, inprobisatzailea den artista handi batekin. Gaualdi berezi bat eskainia zaizu Atalanten, ortziralarekin, azaroaren 27an : hor Philippe Léotard ezagutaraziko dizu Marc Mondou bere ilobak. Eta festibalean zehar, filmak ikusiko dituzu, lekukotasunak entzunen (slam eta rap egileak, musikariak, aktoreak) gizon handi horren oroimenez.
Ondotik, bidai artistikoa segi dezakezu ainitz mundutan zehar…
- Musika: Old School Family, Chambre 15 Quartet, jazz eta inprobisazio, tibetera bola biolontxeloz edo Mongoliako kantuz lagundurik, laute elektronikoak, elektro-esperientzia sinestezinak, slam eta rap egileak (horietan euskaldun bat), Kontserbatorioko 50 ikasle Lafayette galerietan larunbat arratsean…
- Dantza: ikastaldia, arte kubanoa, arte alternatiboak, dantza Kalostrapen.
- Zirkoa : emazte bat oihal bati zintzilik edo dilindan.
- Zinema: Bidaia Japonian eta Clouzot-ren infernuan, desagertua zen obra sinestezinaren berkonposizioa (errealizadoreak hor izanen dira).
- Bideoa : skate-ari begirada (demostrazioarekin), bideoegile batekin topaketa Montréaletik zuzenean, ustegabeko beste memento bat : asealdi eder bat iruditan.
- Performantziak Lafayette galerietan : oihu egiten dute bainan nehork ez ditu entzuten ; eta bigarren astean…komiki egile bat zerraturik.
- Eskultura: battle bat, bi eskultore, bi musikari.
- Antzerkia : taula zuzendari batek sortuko duen obraren historia azaltzen digu…inprobisazioak La Lunan…
- Happening : ez mugi, ez mugi, ez mugi, hiru minutuz mugitu gabe denak inprobisatzaileak bilakatzen gira
- Light painting Spacejunk-en…
- Kazetaritza : Genevako Tribunako berriketari bat Hauts de Sainte-Croix auzoko familien biziaren lekuko eta idazle, kazetaritza ikastaldia Sud-Ouest-eko erredaktore-buruaren laguntzarekin…
Ez dizugu hemen egitarau guzia salatuko, espero baitugu zure jakinmina aski handia izanen dela hitzordu hauek gogoan atxikitzeko…
